Блёг

Ракі атакуюць! Гэта яшчэ раз сьведчыць аб чысьціні гэтага цудоўнага возера Сьвіцязь. Дарэчы, хто скажа, чаму яно круглае? Якая легенда ўзьнікненьня гэтага краявіду?

Гэтую кацяру я напаткаў год таму ў Плісе. Але толькі зараз вырашыў паказаць яго сьвету :) 

Дзякуючы адміністрацыі парталу Labadzenka.bY давялося мне аднавіць і свой блёг!

Мала таго вышэй узгаданай адміністрацыяй мне была пастаўленая ўмова, паводле якой гэты блёг абавязаны аднаўляцца мінімум раз на 2 тыдні…

Што сказаць, буду імкнуцца… і нават паспрабую паставіць сабе за правіла раз на тыдзень аднаўляць пэўнымі цікавымі (на мой погляд :)) допісамі гэтую інтэрнэтаўскую старонку…

Ня мог, дзякуючы арганізатарам туды не завітаць… На жаль з-за праблем з фотаапаратам атрымаўся толькі адзін здымак…

P.s. Дзякуй арганізатарам і ўдзельнікам імпрэзы за сьвяточны настрой!

www.tvorca.com

Сергіюш Чарцілін гэта наш настаўнік і сябра, зь якім можна прыемна пабавіць час ня толькі падчас прыемных размоваў, але й у мастацкай, музычнай і спартовай сфэрах. Вось, гэты сайт, уласна, зрабіў мой сябра Аляксей Кульбіцкі (спасылку якога вы можаце пабачыць зьлева ў адпаведнай шыльдзе), а мы з Арцёмам Багаслаўскім, скажам так, косьвена ўдзельнічалі ў ягонай распрацоўцы…

Вось, запрашаю вас на гэты сайт, www.tvorca.com! Хоць ён яшчэ толькі адкрыўся, але ўжо хутка будзе зроблены ягоны апгрэйд, бадай, нават да ўзроўню мастацкага форуму. А пакуль, заходзьце, цікаўцеся, замаўляйце!!!

P.s. Сергіюш Чарцілін прымае замовы на аздабленьне інтэр’ераў і маляванне партрэтаў

P.P.s. Заклікаю ўсіх, хто мае магчымасьць, дадаць да сябе на сайт банэр МАСТ’сайту:

код: <a href=”http://tvorca.com” title=”Сайт мастака Сяргея Чарціліна”><img height=”100″ width=”100″  border=”1″ src=”http://www.ljplus.ru/img4/k/u/kubl/Baner_tvorca.gif” alt=”Сайт мастака Сяргея Чарціліна” /></a>

Толькі што скончылася “Эўравізія-2009″ (дзіцячая). Усё больш і больш дзіўлюся тупасьці нашых заходніх суседзяў - заходне-эўрапейцаў: такіх вычварэнскіх выбараў я ня бачыў ужо даўно! Што мінулы год, калі невядома якія пчолы перамагаюць на конкурсе, то гэты, калі лідзіруюць то некія фанаткі Армянскай “Барселёны”, ці то нарка-пракураныя хлопцы з Галяндыі, ці то ўкранскія сьпевы пра дрэвы…

Паслухаўшы ўсе сьпевы, змог адзначыць толькі адну-дзьве вартыя да перамогі песьні. Думалася, калі гэта будзе ня наш Юрасік (хаця, падаецца, ён выступіў найбольш моцна!), дык хоць гэта будзе ці Швэцыя, ці Расея - у гэтых выканаўцаў былі хоць нармалёвыя песьні й галасы…

Усё аказалася прасьцей… Усё дзіўлюся: якім чынам выбіраюць эўрапейцы???

Аб гэтым заўжды здагадваліся ўсе :), але на гэтым тыдні афіцыйнае пацьверджаньне было знойдзена! Справа ў нядаўняй публікацыі ў Блогу Глеба Лабадзенкі, дзе прыводзіліся дзіцячыя фотаздымкі вялікага беларускага сьветача літаратуры Уладзімера Караткевіча. Рэч ў тым, што выпадкова здымак на некаторых кампутарах краіны загрузіўся ня на поўніцу, дайшоўшы толькі, крыху, ніжэй за нос.

АБАМА-вэрсус-КАРАТКЕВІЧ

АВК

Як пацьвярджае сам прэзідээнт, гэтае пытаньне больш падрабязна трэба высьвятляць з адпаведнымі сьпецыялістамі па рэінкарнацыі. Але на дадзены момант можна сьцвяржаць, што беларускі сьлед можна пабачыць нават на такім высокі ўзроўні…

Другая віктарына ў “Звяздзе”:

Пабачыць у pdf-фармаце можна тут: http://zviazda.by/a2ttachments/43919/25ver-5.indd.pdf

Усіх заклікаю ўдзельнічаць! Ня ўсё ў жыцьці апошні раз!

У першай беларускай газэце “Звязда” ад заўтрашняга дня (пятніцы) кожны тыдзень пачынае выходзіць рубрыка “Звяздарыначка”! Аматары Бацькаўшчыны змогуць знайсьці шмат чако цікавага й невядомага на старонках 92-х гадовай газэты… А самае цікавае, што за гэта можна будзе атрымаць яшчэ і прыз ад рэдакцыі.

Карацей, купляйце “Звязду”, хто яшчэ на яе не падпісаўся! Альбо ў вас ёсьць магчымасьць пабачыць электронны варыянт на сайце газэты!

Посьпехаў!